Tengku Jameun

Ilustrasi

Pengarang : Tgk. Diyueb Bruek

Teungku jameun, pijuet-pijuet
Di dalam kaluet, pujoe Rabbana
Uroe ngoen malam, di dalam sujud
Allah geuseubut, tiep tiep kutika

Senang hate, rumoeh binteh bleut
Tanna geumeuheut, keu rumoeh kaca
Gulee teumon bu, reuboeh oen eumpeuk
Tanna geumeuheut, leumoe banggala

Lam sutoek watee, al-qur-an geubeut
Tanna geumeuheut, keu surat kaba
Namun lageenyan, gobnyan dumpeu juet
Mata tan teungeut, hate tan buta

Bak tuhan sidroe, ka geuleung paleut
Mohon bak ma’bud, Tuhan karonya
Hadiah donya, hana geumeuheut
Peu nyang geupubut, geuharap ridha

Beuranggahoe troeh, geujak ngon tapak
Hana geu galak , kijang Innova
Lam duri reukom, pih mangat geujak
Han teutoep tapak, Tuhan kuasa

Geuplueng ateuh Ie, meu titi pih tan
Geupoe lam awan, meusayeup hana
Dumnan keuramat, geubri lee Tuhan
Amai Al-Qur-an, lam suntok masa

Duek bak dayah, geuseumeubuet
Surah dum juet, kitab dumna
Peugoet proposal, goebnyan hanjuet
Hana meuhuet, goebnyan kaya

Tungku jinoe, tumboen tumboeh
Gadoeh ek troen, lam istana
Lam pendopo, sabe rawoen
Geu ek geutroen, kanto raya

Nyan keu umat, hanle pike
Pubuet jahe, geuteugah hana
Saboeng laju bacut sapoe truek

Soek baje jas, koen ija kroeng
Geu ek geutroen, kijang Inova
Ngoen proposal, dum geususon
Rumoeh geudoeng, tingkat dua

Tinggalkan Balasan

Alamat email Anda tidak akan dipublikasikan.

Next Post

Kapolda Aceh : Layani Masyarakat Dengan Senyum, Sapa dan Salam

Sab Mar 7 , 2020
SUBULUSSALAM – Kapolda Aceh Irjen Pol Drs. Wahyu Widada, M.Phil, mengajak seluruh elemen masyarakat terutama TNI dan Polri, untuk menjaga keamanan dan kenyamanan terhadap masyarakat khususnya di wilayah tersebut. Hal tersebut disampaikan oleh Kapolda Aceh, saat melakukan kunjungan kerjanya ke Polres Subulussalam, Jum’at (6/3) Malam. Selain itu, Kapolda juga meminta […]